Kayrala Xanana II

Kayrala Xanana II


Kayrala Xanana,
Naran ó naran, naran nia lulik
Morin hamorin, timor nia furak.

Kayrala Xanana,
Husi bua no malus, kuta ó funu
Lulik rai lulik matebian uma ahi.

Kayrala Xanana,
Ó beran ó soin, maksoin oan Timor
Ho FALINTIL funu nain, tahan rai Timor.

Kayrala Xanana,
Tebe haksoit tebe ho knanoik
Ran nakali, ran mean satak kroat.

Kayrala Xanana,
Asuain funu nain, sei funu nafatin
Sobu rahun malisan, hahalok at nian.

Kayrala Xanana,
Bolu ba ó Nai, husi ó loron husi rai
Balu nafatin foho ho tetuk, tasi no we’e.

Kayrala Xanana,
Futuru povu nian, rai ne nian
Tane ba nafatin, hatur tuir Lei los.

Kayrala Xanana,
Nein sura ó nia kolen, ida rua tolu
Maske ó la sura, maromak sei sura.

Kayrala Xanana,
Husi mama nia mean, kuta ba ó
Fú ó baboton, fo matak malarin.

Kayrala Xanana,
Ó Kore ona bobar, sei kore hela leuk
Ó Kore namkore, ba Ukun Rasik AN.


Cristovão PEREIRA (Likuliku).
Dili 20 de Juñu 2003