FANUN KLAMAR SIRA

• Espíritu Ne'ebé Toba Hela: Sai hanesan metafora ba espíritu luta povu Timor-Leste nian ne'ebé dala ruma bele haluha iha realidade moris depois independénsia. • Fanun: Sai hanesan bolu hamoris fila fali espíritu luta, atu fó hanoin katak independénsia la'ós deklaração de'it, maibé prosesu naroman ne'ebé presiza serbisu maka'as no dedikasaun. Konvida jerasaun foin sae sira atu aprende husi istória, atu komprende signifika luta nian, no atu kontinua luta hodi realiza eroi sira-nia mehi.

Wednesday, September 10, 2025

Timor oan ida deit

Timor oan ida deit

Habokon iha abut dikin buras
Sanak tula ba ramelau,
Nani ba kablake hakletek ba matebian
Laiha loro monutun ba rai.

Hateke ba tasi feto,
lalatak baku ba tasi mane
Loron ba Rai, Rai ba Loron
Loro iha nia fatin, rai iha nia fatin.

Oequsse to tutuala
Kablake ramelau matebian
Laiha rai fatin ba loro hiit nia aan
Laiha loro fatin ba rai, hatur nia aan.

Morten kaibauk
Belak no mamafatin
Hussar talin ida
Luut toba bote kaut ida
Timor oan lisan ida-deit.

Habokon iha dikin abut soe ba mai
Abut ho dikin fo aihan ba isin
Maske ramun soe ba mai hun ida-deit.

Habokon iha abut dikin buras
Abut hametin hun, dikin fo mahon ba isin
Fo bukur barai, haforsa abut Iha hun ida.

Lisensa rai, husu lu'ut ami a'an ba o
Lisensa loro, husu hakmahan ami a’an ba o
Hafutar ami idadeit, iha inur lalatak LAFAHEK.

Dili 5 Sep 2006
Cristovão PEREIRA

No comments:

Post a Comment

Subscribe to: Post Comments (Atom)