30th of August – A Sacred Ballot (lian ingleza)

 

30th of August – A Sacred Ballot

 

One soul, one vote, one nail
From the voting booth, justice began,
To determine destiny and independence.

Referendum, August 30th, ’99
From the ballot box, the people decided,
Choosing freedom, or remaining colonized.

With optimism and full of hope
Moving confidently toward the vote,
Through terror and the threat of weapons.
 

Even though militias spread terror in all side
The referendum, the doorway to independence.
Firmly we delivered the sacred vote.

This August 30th, ’99, the holy vote
The ballot box, a silent witness,
A sacred ballot, giving the Maubere FUTURE.
 

Cristovão Pereira (likuliku)
Makasar RI, 30/08/1999

 

 Poeizia ne, hakerek iha Jurnál Vanguarda no Militansia iha Setembru 1999. Iha 2004 deklama iha Darwin hamutuk ho eskritor internasionál sira.

Makerek

 

Makerek

 

Makerek ne oinsa, makerek mak ne’ebé?

makerek iha arte hahu mai dahuluk.

 

Maske hau makerek, liman la makerek,

isin mak makerek, hahalok la makerek.

 

Hori otas hori wain, abo beala sira

Huhu halo makerek, halo arte iha isin.

 

Makerek ne iha furak, makerek iha kmanek

Iha lolon ho makerek, fo matak ba nia lolon.

 

Makerek agora barak, halo rai ne sai makerek

Kuidadu ho makerek, tan sira gosta makerek.

 

Sira nia hakerek, makerek rihun rahun

Wainhira ita rekere, koalia sai makerek.

 

Fitun fulan loron, hare sira nia makerek

Ami nian makerek, lahanesan nia makerek.

 

Dili, 20, 11, 2020

Cristovão Pereira

 

Puizia ida-ne, hakerek fo apresiasaun ba loron arte tatoagen. Ne atu dehan, isin makerek ho tato, labele generaliza katak ne kriminozu, laos mau hais, maibé ne arte. Tatuagen (iha Tetun "Tato" ka "Tatu") iha Timor-Leste nia kultura la'ós de'it dekorasaun, maibé simbłu importante ho signifikadu profundu ba ema idaidak.

Celebrasaun ne’e momentu ida halo edukasaun kona-ba istória no signifikadu tattoo iha kultura sira. Uluk, tattoo ema dehan ne rebelde ka ligasaun ho grupu mafia kriminozu sira. Maibé, tattoo nudar espresaun arte nian no identidade pessuál. Loron Mundial Tatoo nudar momentu atu selebra diversidade no libertade atu espresa an liuhusi arte iha isin.

Istória tattoo nian eziste ona desde tinan rihun liuba molok Kristu, ne'ebé hetan prova husi mumi-mumi tuan iha Egitu no Ötzi iha Alpen ne'ebé iha tattoo. Tattoo uza ona iha kultura tuan sira-nia laran hanesan simból estatutu, brani, orgullu, no até protesaun espirituál, hanesan iha nasaun Mentawai, Dayak, no Polinézia. Liafuan "tattoo" mai husi lian Tahiti nian, "tatau," ne'ebé signifika "marka".

Referensia;

https://anahata.ink/id/blog/sejarah-tato-dari-jaman-dahulu-hingga-sekarang

https://elib.unikom.ac.id/files/disk1/527/jbptunikompp-gdl-abdullahfi-26336-7-unikom_a-i.pdf

 

 

 

Ami Ema Tos Nain

Ami Ema Tos Nain

Ami limán kaer ba insada
Ami nia kaneta mak aisuak
Ami nia kadernu mak tos
Ami hakerek istoria tos nain.

Nudar to’os nain
Nafatin fila o rai
Namaluk husi udan
Nanuk fo nia bokur.

Wainhira to koelleta
Wain ho esperansa
Hato agradese ba Nai
Halibur aihoris tasak.

Husi liman fuan sanulu
Hakmahan ba ami nia tos
La buka tane liman ba sira
Lao hamutuk, tane malu.

Ho kmanek tos nain nian
Ho lian ne'ebé la ko'alia
Husi loron loke pájina foun
Husi udan no mahoben.


Cristovão Pereira (Lisadila), 20/01/2001

Mulheres

 

Parem com a violência!

 Mulheres
Tu és o fogo que nunca se apaga,
Dançando entre o frio da noite,
Aquecendo cada canto vazio.

Mulheres
Também és a terra paciente,
Cultivando sementes de esperança,
De pé firme entre tempestades.

Mulheres
Teu corpo, poema mudo,
Brilha na escuridão,
Eterno como a lua.

Todos os maridos,
Parem com a violência!
Parem! Parem! Parem!

Parem com a violência!

Cristovão Pereira
5 de Outubro de 2012

KUIDADU LAFAEK RAI-LI’UR

 

KUIDADU LAFAEK TASIBALU

 

Iha rai lulik nee, PAPA handiin mai
Roman loke dalan, iha rai Lalatak lafaek
Ho biban no leet, Aman Santo hakbesik
Ami hahi’i hamtauk, banati tuir dutrina.

 
Iha inur lalatak lafaek, loro hiit aan sae
Iha papa nia bensaun naksulin ho grasa
Ho kbiit santo Papa, haboot ami hakat
Santo Papa Nai Lulik, halulik Rai Timor.
 
Ho O liman lulik, ho O kbiit wain
Husi O naran Santo, ami hakruk hanai
Ho O nia kbiit, kmanek ami banati
Husi O nia hamnasa, kore fukun, kore bobar.
 
Ami nobun, husi rai lalatak lafaek
Solok simu Ita, hakruk hiit tais ninin
Ami husu ita mahan, hamahan ami fuan
Ho Ita nia Grasa wain, hamorin oan Timor.
 

Husi ó nia mamenok
Ho lian fuan kmanek
Ba ami ema kmook
Bali ami nia kanek
Hametin, aminia hamkadak.
 
Lia Knanoik hatoo ba ami
“Imi nia fiar mak imi nia kultura”
“kuidadu ho lafaek tasibalu”
Nanoik mak nakonu ho figurativu
Lia fuan mak sulin ho metáfora.
 
Ho PAPA nia roman ksolok
Halo ami metin hamrik,
Maske ami hotu makiak
Forte hasoru, laloran selok
Atu ami labele lao kleuk
 
 
Becora, 24/10/2024
Cristovão Pereira, (Likuliku)

Hau nia dalen, Hau nia Identidade

Hau nia dalen, Hau nia Identidade

 

Ha'u nia rain, rain Timor
Husi rai ida inur, klamar lafaek
Hahu husi tutuala, to Oequse
Hamutuk ramelau kablake matebian.
 
Husi Timor to Portugal, iha CPLP
Hakmahan ida dalen Portuguese
Husi foho tun fehan, liu tasibalu
Hakrobuk hamutuk familia Lusofonia.
 
Hau nian dalen, ba ami nia rain
Hau Timor-oan, dalen Tetun
Hau nia lian, hau nia identidade
Hau nia identidade dalen Tetun.
 
Hau dalen Tetun, dalen rai nain
Ho lian seluk Portuguese, dalen tasibalu
Hamutuk ida dalen offisiál Timornian
Hodi semo lemo, marka lian hamutuk.

 

Cristovão PEREIRA (likuliku).
Dili, 25/02/2025

 

Mama Perdua Hau

 

Mama Perdua Hau

 

Mama Ó mama, fukun no bobar
Hatodan Ó kbaas, kalan no loron
Kous no hiti, lahusik hau mesak.
 
Maske papa ba dook, husik hela ita
Mama serbisu makas, la hatene kolen
Mama Ó hau makmahan, hau HEROINA.

Mama, hau sente kanek, hau sente todan
Hau halo Ó fuan kanek, hau halo Ó lun turuk
La selu Ó diak, hau fila kotuk ba mama.
 
Mama Ó mama, hau halo Ó hirus no tristi
Ha kmook tebes, hau folin laek, buat hotu nahas
Hakruk hakneak, monu ba Ó ain, husu Ó kuta.
 
Hau hakarak hakilar, hakilar makas tebes
Ba tilun sira, ba ema rai-rai, ema rai hotu
Ó mak hau nia murak, Ó mak hau Liurai Feto.
 
Ho matawen hakruk, perdua hau
Husu Ó liman, tula netik mai hau ulun
Fú matak, fú malirin, hakmahan fali hau.
 
 
Liceu 30 Novembru 2021
Cristo P (Likuliku).
 
 

Hau nia kolega Prosora Nelia, ami iskola hamutuk iha UNTL, turma ida, nia husu atu hakerek Pusia ida-ne, hakerek ba nia kolega ida, mak nia arepende hikas, wainhira nia ses husi nia mama, ho pusia ne, nia husu atu hakerek atu husu perdua ba nia mama ho nia hahalok sira. Letra ne nia halo fali ba music. Maibé hau seidauk rona music ne.

Laiha Loro Sae, Laiha Loro Monu

 

Laiha Loro Sae, Laiha Loro Monu

 

Oequsse, to Tutuala
Bolu Atauro, hakbesik ba Dili
Kablake, Ramelau, Matebian
Bolu tetuk, bolu tasi hakletek mai
Laiha fatin ba loro hela ba’a.

 

Loron dok husi Rai
Rai la besik ho Loro
Laiha Loro monu tun ba Rai
Laiha fatin ba Loro lút nia a’an
Laiha mos fatin bo loro hamonu a’an.

 

Rai mak hodi lalatak lafaek
Fatin lulik, mak ami halu'ut ami a'an
Hakmahan ami, iha o futar isin
Laiha loro sae, laiha loro monu
Mesak maun alin deit, feton nan deit.

 

Morten, kaibauk belak, babadok
Tais, Surik, mamafatin, lakadou
Hun ida, lisan ida, kultura ida
Mesak ran maluk, husar tula malu.

 

Dili, 24/8/06
Cristóvão PEREIRA
Likuliku

 

Pusia ida, ne momentu problema 2006, ekipa SIN (seidauk iha naran) Abe Bareto, lé puisia, toka no kanta ho tema, unidades, laiha diskriminasaun, laiha ras, hodi anima, tama sai camp IDP’s. Iha Timor laran.

Kayrala Xanana 1 (Baboton matenek, fuan neon nain)

Kayrala Xanana I
Baboton matenek, fuan neon nain.


Fo Lisensa ami bolu
Bolu,… ami bolu
O,… Fitun, fulan, ho loron
Fanun ba ó Rai, tasi, we no fatuk Ai
Mai ó tetuk, mai ó as, husi badak, husi okos.

Fú matak, fú malirin, kuta Xanana.

Husu matak malirin, husi lulik Timor
Iha rin ha’at, uma no ahi, lalean tolu
Lisa Timor, lisan rai ida, Timor oan nian
Kuta no fú, husi bua no malus.

Fú matak, fú malirin, hakbiit Xanana.

Bolu, … ami bolu
Nai fo lisensa, ami bolu
Uma ahi, rai nain, rai lulik
Rai hotu, rai-rai, rai ikun rai ulun
Husi rai okos, rai leten, nakukun no naroman.

Fú matak, fú malirin halulik Xanana.

Kayrala Xanana, kore fukun kore bobar, kore namkore
Kayrala Xanana, baboton matenek, fuan neon nain
Kayrala Xanana, hakoak no serbi, Ó beran Timor oan nian
Xanana Ó lulik, Ó mak mahan, iha inur lalatak lafaek.


Dili, 26 Abril 2009
Cristovão PEREIRA (Likuliku).

Husu hakmatek funu hotu.

 

Husu hakmatek funu hotu.

Maluk doben Timor-oan

Inan aman alin maun

Mai timor oan

Mai maluk hotu

Husu hakmatek funu hotu.

 

Foin sae ida deit, loriku a’as wain

Hamrik no tuba, ba ukun ita rain

Mai Timor-oan, ho ita kbiit wain

Hamrik no tuba, ba ukun rasik aan.

 

Tatoli ba rai hotu

Katak ba ema tomak

Buka dame, domin ba malu

Atu funu hotu lalais

 

Bolu ba ema rai klaran

Katak ba, ita nian dereitu

Rai Timor, laos Indonesia

Rai Timor, Timor oan nian.

 

Loro sae to loro munu

Tasi feto to tasi mane

Bolu rai ikun, bolu rai ulun

Funu nafatin, Liberta ita rain.

 

Foin sae ida deit, loriku a’as wain

Hamrik no tuba, ba ukun ita rain

Mai Timor-oan, ho ita kbiit wain

Hamrik no tuba, ba ukun rasik aan.

 

 

 Cristovão PEREIRA

(Manuat Lian)

Dili, 4 Febreiru 1989.

 

 

NB: Puisia ida-ne, halo fali ba musika apartir iha 1990 ba leten. Maibé hetan mudifika oitoan iha lifuan balu. Mak halo ba Musika alin Amali (Sergio Marques), agora nudar Ex Sekretario Jerál ba 12 novembro, ami2 halo muda oitoan liafuan.

BOOT

 

BOOT

 

Ho ó nia neon Boot

Halo ó nia beran Boot

Nein ema ida Boot

Maromak maka Boot

 

Sekarik ó ba Boot

Ó ba Halo buat Boot

Tan sira agora Boot

Hamnasa mos Boot

 

Foti an Liurai Boot

Bolu an Nai ema Boot

Simu tia kargu Boot

Resultadu han boot

 

Tun sae oin Boot

Tun ba Buka fatin Boot

Lao buka ba Boot

Lao sidi fatuk Boot

 

Mai ita Kiik Boot

Mai Hakilar lian Boot

Atu ema sira Boot

La halo sala Boot

 

Cristo Pereira (Likuliku)

Kamea 20/10/2010

7 Dezebru 1975, Dader Pániku

7 Dezembru 1975, Dader Pániku

 

7 Dezembru 1975, Dader Pániku
Tekiteki semo mai, aviaun liras naruk
Taka anin leten, hanesan manu makikit.
 
Dader raihun mutin, molok roman hiit aan
Dadulas nakukun husi kalohan namtate prakedista
Dalas tun mai, hanesan ema dansa suru boek.
 
Aviaun namlele hafuhu, hamnasa husi anin leten
Ahu nain hatais makerek, husu KAMU FRETILIN?
Arma tutun apontadas, ba Maubere desarmadu.
 
7 Dezembru 1975, Dader Pániku railakan tarutu
Assassinatus, tortura, violasaun oin-oin akontese
Aman inan, lakon oan, tanis hakilar, mate nia butuk.

 

7 Dezembru 1975, Lunturuk, kosar turuk, ran nakfakar
Maubere la ses, la husik Rai-ne, ba ó nia ukun barbar
Maske is kotu, maske Ami motuk, Manu Aman sei Kokorek.
 

  

Cristovão Pereira (likuliku)
Dili 6 Dezembru 1989.

Max Stahl (Loriku Tasi balu, lalenok ba mundu).

Max Stahl 
Loriku Tasi balu, lalenok ba mundu.
 
Max Stahl 
Ó nia Kámera mak mundu nia matan,
Ó grava represaun brutál iha Timor,
Ó grava kilat-musan halo ema namtate,
Ó hakilar haklaken ba mundu hotu-hotu.
 
Max Stahl 
Ho ó nian kámera ó nia matan firmi,
Maske botas, kilat, baiyoneta haleu,
Matan la nakdedar, fuan la taridu,
Loriku Tasi balu, lalenok ba rai klaran.
 
Max Stahl 

Soldadu 303, forsa armadu ABRI
Marsa rai tarutu, tiru nia tarutu,
Ó nia matan firmi maske rairahun nia falun,
Tuba iha fatin, sai espellu ba rai hotu.
 
Max Stahl 
Ó nia lenti, mak sasin lia-loos nian,
Sobu satak, mak halo mundu silénsiu,
Sasin ba kolonialista sira nia krime,
Ó mak Heroi Povo Maubere Nian.
 

Max Stahl 
Ó nia matan fo esperansa,
Ó nia leno, hatudu dalan liberdade,
Iha ó nia sorin kanek, mate lasura,
Maks stall, testemunya masakre 91.

 

Cristovao P (likuliku)
Dili 28 outubru 2021

 

Hakerek dadolin ne didika ba kolega  "Heroi" Povo Maubere Nian, Maxs Stall loriku tasi balu, mak husik ona mundu ne iha dia 28 fulan Outubru iha Brisbane 2021. Ho nia camera no lenti, sai espellu ba mundu, hodi harahun bareira sira mak satak hela violasaun sira mak akontese ba Maubere oan, durante tinan barak nia laran, iha kolonializme nia ukun.

MATEBIAN SIRA, NIAN LIAN MENON

 

MATEBIAN SIRA, NIAN LIAN MENON

 

 

Surat husi Loriku Foin Sae (matebian), Husi Motael ba ba Santa Cruz.

 

Data                 : 12 Novembru 1991 

Fatin                : Santa Cruz, Dili 

 

Ba Maluk sira, 

 

Ita boot sira ne’ebé agora hela iha Timor-Leste livre no Independente, 

 

Ami, Loriku Foin Sae, Matebian husi loron 12 Novembru 1991 mak ran fakar, hetan sona, tiru, oho, koa, sona ho bé, mak hakerek surat ida ne’e atu hatete ba ita boot sira katak, ami nia mate laos atu buka kargu, laos atu hamatak malu, laos atu halo esplorasaun, laos hakarak naok rai ne nia rikusoin. Ami mate ba justisa, ba lia-loos, ba rai Timor nia destinu tan hakarak nia emar moris ho livre, dame no trankuilidade. Ami la mate atu halo akuzasaun malu, laos atu tuku malu, laos baku fila malu, laos atu halo korupsaun. Ami mate ho objetivu noble, atu liberta ita nia rain no ita nia povu.

Ami hakarak fanun fali ita boot sira nia klamar, mak toba dukur, lokoaan, haluharai, ho imi nia previleizu. Hader ba, poder laos atu apodera. Maibé ami mos rekoñese katak, buat barak mak imi halo di’ak ona, maibé, perguntas barak mak seidauk hetan resposta. 

Rona didiak buat simplis deit.

1. Ekonomía:

Povu ki’ik seidauk hetan oportunidade atu dezenvolve sira nia moris. Osan dolar sai husi bolus ida ba bolsu seluk. Benefísiu ba povu marginalijadu, aintanan, aileba, proletariadu maubere oan sira mak ida ne’ebé?. Presu ai-han no kontsumu sa’e, desemprego, investimentu iha área rurál fráku. Karik ami koalia sala, ami husu diskulpa.

2. Kultura:

Ita boot sira halo diskusaun barak kona-ba identidade Timor, maibé ema ki’ik nia lian seidauk rona. Juventude barak mak haluha tiha ona sira nia istória no luta, tanba edukasaun kultura la’o neineik. Karik ami koalia sala, ami husu diskulpa.

3. Seguransa:

Konflitu internu, violénsia, no krimi kontinua akontese. Povu sente la seguru iha sira nia uma rasik. Karik ami koalia sala, ami husu diskulpa.

4. Justiça no Lei: 

Ema ne’ebé halo sala korupsaun, krimi ita lahatene oinsa, kastigu ne oinsa, enkuantu ema kbiit laek sira nian ita la komprende, sera ke lei mak ladiak ka, ema servisu iha justisa sira mak seidauk barak ka, oinsa? Presija hare halo didiak ba, ami hein justisa justu ba ema hotu. Karik ami koalia sala, ami husu diskulpa.

5. Korupsaun kontinua, osan povu nian kada minutu mamuk. Projetu usa osan povu nian barak, ami hare resultado labarak hanesan osan ne’ebé mak sai. Karik ami koalia sala, ami husu diskulpa.

6. Imi ba tok tur iha Banku sira iha Dili laran, osan dolar ne la dolar iha Timor-Leste, maibé sira dolar sai hotu. Karon karon mk hodi ba banko, haruka sai hotu. Karik ami koalia sala, ami husu diskulpa.

7. Iha repartisaun sira, ami observa KKN buras. Karik ami koalia sala, ami husu diskulpa.

Ami mate ona, maibé ami fó hanoin katak ita boot sira tengki halo di’ak ba povu. Ami nia ran sei rekere ba imi liman foer, nanál sanak, dikur rua, liman naruk, ahu nain, matan naklosu ba povu nia rikusoin. Riku soin atu haburas rai ne, povu prósperu, laos halo povu maubere, aintanan, sai atan no halerik ba bebeik. Para ho iminia liafuan bosok hirak ne.

Ami la fila aan fali ba hanesan ho imi, maibé ami hare katak "diskusaun barak, asaun menus". Ita boot sira kritika malu, hanoin katak ema ida husi imi la halo di’ak? maibé imi halo diak, imi hanoin diak, kuidadu mak sira haleu imi ne, balun mak sei laran foer, jestaun ladiak, disijaun ladiak, asesor inventadu sira barak. Imi bele hamos hahalok sira ne ka lae? Karik ami koalia sala, ami husu diskulpa.

Laos tempu atu tuku malu. Riba malu, riba meza, kik la respeita boot, boot la respita kik, hatudu liman ba malu. Konta iminia istoria hanesan kudatalin reborebo. Para! Para! Para! Tempu ona atu serbi no servisu hamutuk.

Ami husi dook, kontinua hare ita boot sira, ami nia esperansa ba imi mak sei moris hela ne, ami hein katak ita boot sei luta ba povu nia interese, laos ba interese pessoál.

 

Ho respeitu, 

Matebian Loriku Foin Sae sira

Husi Motael ba Santa Cruz, 1991.  

Remata

-------------------------------------------------------------------------------

Ami mak hakerek karta fiktif ida ne, 

Cristovão PEREIRA (Likuliku)

Dili, 12 de Novembro 2019

Subaun

 

Subaun

((Puizia ne'e, hatan ba Puizia maun Abe nia hanesan bukae ida, wainhira nia fila husi viajen ba Manatuto nia fo prezenti Puizia ida ho titulu "Retratu Fulan Abril2" bele le'e iha okos))

Abe nia Puizia:
RETRATU FULAN ABRIL 2

Foho Subaun Boot matak ho duut iha nia lolon sira
Lolo nia ain naruk ba tasi ibun ne'ebe klean.
Laloran baku ba ninin, basa fatuk ba'e sira

Tasi been, azul furak

Atauro, Wetar no Kisar
hosi dook hateke

loro matan manas, nabilan
rei no lambe

tasi furin


Kmanek,
ABE
------------------------------------

Crist nia Puizia hatan ba Abe nian bukae:

SUBAUN
O la Mau Abe Aiknanoin ida nebe sona hau sorin.
Aknonik nebe mosu hanesan murak rai
Lao dalas-dalas, wain hira lao hodi nia murak
Nakleuk tuir nia dalan, wainhira koko atu bukan fatin

O la Abe...
Subaun...Fatin nebe lulik
Subaun mak fatin sasin ba naroman nian
Subaun mos fatin ba sasin nakukun nian

Tasi lian tarutu, haksimuk hasoru ho anin
Rona kois hanesan dadolin tebe likurai
Hamrik iha nia lolon heteke ba inur Atauro,

Weter, kisar no inur oan seluk

Subaun nia lolon susar atu hakletek
Husi tasi, fatuk no rai, dut

Abo rai nain, hela fatin toba fatin
Sira hotu mak sai knua ida luut mutuk ho subaun

Minutu ba oras, aras ba loron

Loron ba kalan, hodi marka nia ba tempu
Subaun naran nafatin Subaun
Hakletek ou lao, fila ba mai temi nia naran

SUBAUN.

Abe...iha loron ida hau liu husi Subaun
Wainhira atu liu ba, hau temi mak subaun nia Maravilha.

Teki-teki anin baku basuk liu husi hau sorin
Hau hakfodak, hateke tuir, anin alin liu hateke lahetan
Laiha buat ida mak hau teni ba subaun, so deit hau hateten
Subaun loke dalan, beiona sira liu, fú malirin, hases fukun.

A te Ja

4 Abril 2007
Cristo Pereira

Takamatan

 

 

Mama, Pelindungku

 

Mama, Pelindungku

Mama pergi saat senja datang,
Saat aku belum paham tentang kehilangan.
Tak ada peluk, tak ada cerita,
Hanya sunyi menggema di dada.

Kacang mungil, kecil tak kasat mata,
Cerita angin, nyawamu ia bawa serta.
Dunia kecilku jadi kelam,
Sejak kau pergi, hilang tenggelam.

Oh Mama, kau tetap di hati,
Walau ragamu jauh pergi.
Cintamu nyala dalam sunyi,
Kau pelindungku… abadi.

 

Langkah kecilku bersama nenek,
Hangatkan hati yang mulai resah.
Bayangmu hadir di tiap tawaku,

Mengalun lembut dalam kenangan.

Di pasar kami melangkah pelan,
Menjual sayur dalam hujan dan panas terik jalan.
Saat anak tertawa bermain gembira,
Aku hanya bisa diam, menahan air mata.

Segenggam makanan dari padi bakar,
Mengingatkanku pada kenangan lama.
Kau pernah duduk di meja yang sama,
Kini tinggal doa dan air mata.

Di jalan liku, dgn tangis dan tawa,
Aku tahu kau selalu ada.
Dalam hembusan napas dan langkah,
Namamu hidup, tak pernah punah.

Oh Mama, kau tetap di hati,
Pelindungku hingga nanti.
Walau langit sering menangis,
Cintamu… tak pernah habis.

Cristovão Pereira (Likuliku)

15/02/2015

 

Puisia ne hakerek wainhira, hau rona itoria sulin hanesan mota, transforma ba Puizia badak idane.

Reza husi ami.

 

Dadolin ida-ne, hakerek momentu, udan boot akontese inundasaun iha Timor laran hotu, inklui Covid 19 ataka mundu tomak afeta to Timor. Uma barak no infrastrutura estragadu (ponte, dalan, eletrisidade). Ameasa seguransa alimentár. Governu implementa medidas restritivas, hanesan (lockdown) parsial iha Dili no zona balun. Proibisaun ba viajen local no internasionál no regulasaun ba karantina. Situasaun ne, Timor oan barak mak afetado, balun lakonsege salva, ha parte tasi tolu Dili ema balu sulan deit iha uma laran, hamlaha to husik iis. Dalan kintu kantu taka hotu, defisil halo movimentu buka moris to ema hamlaha. Iha Abril 2021, Timor-Leste enfrenta tempestadu kriza duplu, COVID-19 ho inundasaun grave, ne’ebé afeta saúde, ekonomia, no moris diáriu povu nian.

 

 

Reza husi ami.

 

Nai,

kareta mesak prado

movimento parado

corona mos parada

ema sira parado.

 

Nai,

be nakonu kintu kantu

udan taka dalan kantu-kantu

corona tun sae kanta

ami labele tau kantiga.

 

Nai,

corona hafuhu ami

masker bokon hotu

ami sulan uma laran

maske hamalaha.

 

Nai,

ho fos lata rua

sulan uma laran

la to loron rua

balun husik is.

 

Kuitado Nai,

ami laran metan

kareta vidru metan

hateke ema metan

tun sae olku metan.

 

Nai,

karik iha bobar

kleuk no fukun ruma

halolo hela ba

kore hela ba.

 

 

Cristo P (Likuliku)

Lidun Kamea

14/4/2021

Ne'e nudar puizía de'it.

 

Ne'e nudar puizía de'it.

Ha'u hateten ba ó sira hotu
Hanoin ba lia los, dame no justica
Halo di'ak, atu sai belun ho Maromak
Hakarak fanun deit ó nia klamar
Ne'e nudar puizía de'it.

Hanoin Mateus 7:4 "Hipócrita!
Ema ne'ebé falsu, haloan santu
Maibé laran aat, kritika ema seluk nia sala
Se ó la haré ó nia sala boot liu mak leu
Ne'e nudar puizía de'it.
 

Berliku baku ikun ho knanoik
Manu aman baku liras kokorek
Manu fuik semo tur lametin
Hipókrata! Hasai dahuluk ó-nia ai-tarak boot
Ne'e nudar puizía de'it.

 

Sani koa! koa! totolai, totolai
Fó ba ó nia rain ho laran moos
Halo ba ó nia povu ho fuan moos
Hatur lei los, tuir fatin ne’eb’é mak los
Ne'e nudar puizía de'it.

 

Dadolin husi beala
This only remain you all
Para Fazer o Bem
Tak sepatah kata-pun tak berkata
E eu digo sou apenas poesia
 

Dili, 22/03/2018
Cristovão PEREIRA

 

NB: Iha puisia ida-ne, Ita bolu 'Puisi Multilingual' ka 'Puisi Code-Switching' tanba, mistura língua Português, Tétum no Ingles iha poem ida. Objetivu klaru, hatudu identidade kompletu Timór (post-koloniál), Kolonialismo (Português), Rai-na’in (Tétum) Globalizasaun (Inglés). Code-Switching', Troka língua ba efeitu dramátiku (hanesan iha Mateus 7:4: "Hipócrita!"  "Ema ne’ebé falsu"). 

Maubere mak MEHI

 

Maubere mak MEHI

 

Laos mehi moris iha Timor

Laos mehi husi mehi nian

Mehi hanesan laos iha rain rasik

Maubere nia Mehi.

 

Fatuk, mina, osan mean

kafe, aikameli, fatuk

Mehi hetan, ikan lakon

Fos importa, trator barak at

Fos hola labele, Dolar semo sai,

 

Mehi iha Timor

Hanesan oan hakiak

Lahatene portuges?

Bolu husi tasibalu

Ó ba deit Korea, Australia.

 

 

12/4/2017

Cristo P (likuliku)