Leba Modo, monu husik iis

 

Dadolin ne hakrek ba Abo ida naran Tomas Bareto, nia hakotu iis iha dalan ninin sidade Dili iha dida 8/2/2021, wainhira nia leba nia modo, iha dader hodi ba faan. Maibé ema seidauk hola hot onia modo, derepente nia monu, husik iis. Abo ne hela iha lahane.

 

Leba Modo, monu husik iis

 

Leba modo futun ida, leba ba mai
Foti ain la’o hakat, la’o mesak mesak
Kareta vidro metan, mesak ema metan
Baku matan hateke, mesak laran metan
La’o husik la’o mesak, monu dalan klaran.
 
Wainhira loro manas, modo namalaik
Husik sira koalia manas, mesak namalaik
Dehan ami kuda, sira dehan mai sosa
Afinál ami lao leba, leba buka mesak.
 
Timor rai riku, kaféa aikameli,
Mina ho fatuk, sura lahotu
Timor rai riku, morin rai lafaek,
Maske morin rai rai
Ami la horon rai ne nia morin.
 
Rai ne nia riku se los mak ni-nian
Maske rai ne riku, uma we turuk
Make rai nia funan rebo-rebo
Iha rai ne nia leten, mukit sei lao lemo.
 
Leba modo ba mai, hetan ema laran metan
Kareta vidro metan mesak ema metan
Baku matan hateke, mesak oklu metan
Foti ain la’o hakat, Lao monu husik iis.
 
La’o lemo la’o le’un, lalebok nia kna’ar,
Tan ami lalurun, buka tutan iis moris,
Leba folin tun sae, dada is sae tun,
Hodi Liman fuan sanulu, kaer ba ami tos.
 
Lia menon husi ami, lalebok oan sira
Hameno husi ami, lalurun sira lian
Husu ita tane, tani ba Ó povu
Lahusik sira monu, sura netik ba.
 
Ami ema klehek nain,
Ema neon nain,
Maske ami ema kmook,
Timor mak ami knosen.
 
Cristovão PEREIRA
Lidun Dili, Kamea 9 Febreiro 2021