HA'U-NIA BISIKLETA

 

HA'U-NIA BISIKLETA,

Ha'u-nia aventura

Ha'u-nia bisikleta, ha'u-nia Aventura

Hanorin humildade, bainhira ó monu
Hanorin alegria, bainhira ó haksoit
Ho natureza kmaus, ambiente fresku.
 
Ho bisikleta, hatun tensaun
Hean tesik tun sae, ho atensaun
Hadiak fo forsa, hau nian kurasaun
Haksoit aventura, ho animasaun.
 
Kada nakdulas, ho energia foun
Kada espasu, konklusaun foun
Kada pedál, mak dezafiu foun
Kada kilometru, mak istória foun.
 
Hakmahan hau ain, ba pedál
Hodi hau mehi, ba fatin reál
Hakarek istoria, tuir naturál 

Haktuir kompasu, hanesan rituál.
 
Wainhira ho bisikleta, ne mak terapia
Wainhira hau hean, ne mak vitória
Wainhira atu monu, ne mak paseiênsia
Wainhira kosar turuk, ne mak saúde.

Hau nia bisikleta, sai kuda mariñu
Hatudu ba fatin, wain maravilhosa
Ho paizajen furak, matan hakfodak
Hala’o aventura, ba Timor nia furak.
 
 
Cristovão PEREIRA (Likuliku)
Remexio, 24 de Abril 2018