MAU HAIS

 

MAU HAIS

MAU HAIS!

Iha Repartisaun sira, ó iha ne'ebá
Iha meza sira leten, ó halo mamoós
Iha eskritoriu sira, ó ajuda halo korupsaun
Iha fatin fatin, imi serbisu hamutuk
Iha ofisina, desportu, igreza, mercado sst.

 

Ó tau presú, halo ami dada ís to motok.

 

Lisensa negósiu, hasoru ó
Pasaporte, reza tengi barak
Iha tribunal, lun turuk lahotu
Iha ospitál, dada is atu kotu
Ó iha fatin hotu, ó hatene truka kulit.

 

Ó tau presú, halo ami dada ís to motok.

 

Ó apreveita ema nia ignoransia
Iha kbiit laek sira nian halerik
Iha mata ween sira nia turuk
Iha sira oin ó dehan "hodi ajuda de'it"
Ó hetan lukru husi sira, uza liafuan laek ne.

 

MAU HAIS!
Ó hanesan, anjo falsu
Bainhira los mak ó bosu?
Bainhira mak, Timor ne livre husi hahalok ne?
Ba ó nian esplora, supa ami ran ba ó nia bosu?
Ó ami intrega deit, ba uma no ahi, rai lulik ne.

 
Hakilar ba, mak kaer fukun rai ne
Hateten ba, emar iha nasaun ne
Hader ba, kuidadu hahalok at ne
Hare ba, rai ne nakonu ho diabo santanas.
 
PARA ho ó nia manipulasaun,
Para ho ó nia explorasaun,
Para ho ó nia korupsaun,
PARA!.
 

Cristo P (LIKULIKU)
DILI 20/10/2010